油塘狗主將「狗碗水」倒入餐廳杯 網民質疑衛生 愛狗人士齊割席 舉動隨時累餐廳停業

近日有網民發文公審，大爆一對男女帶寵物光顧油塘商場 Cafe 的行徑：「妳兩公婆食嘢就食嘢，做乜要將餵剩狗飲嘅水，倒落咖啡杯內！妳要飲狗口水都唔好要其他人陪妳吖！」樓主上載的照片顯示，該對男女將寵物手推車停泊在餐桌旁，本身已踩界違反餐廳暫未容許帶狗入內的規定，最令樓主震驚的是，這對夫婦雖然有自備摺疊杯餵狗飲水，事後竟將狗狗飲剩的水直接倒落 Cafe 提供的咖啡杯內。

閱讀更多：觀塘連鎖超市爆鼠患 網民直擊老鼠深夜爬上豬肉開餐 涉事店舖急貼「裝修」告示停業

事件曝光後隨即引發網民熱議，不少人直斥涉事夫婦行為極不衛生。而針對相片中坐在男方身旁的女童，樓主亦特別澄清雙方並非同行，純粹是搭枱或剛好坐在隔壁。

有網民更列出食環署指引，強調為保障公共衞生，狗隻絕對嚴禁使用餐廳內任何人類用的可重用餐具（如瓷碗或鐵碟）；一眾「愛狗人士」亦有留言聲討，強調帶毛孩外出必定會自備不銹鋼兜、狗用水樽或即棄餐具：「我識幾個有養狗的朋友，都係自己帶個不銹鋼兜來俾狗仔飲水，明顯係狗主無公德心」、「嘩，我養狗都接受唔到，點解唔買水樽俾狗飲水」、「真係丁點公德心都冇」、「呢兩公婆見過佢地用餐廳餐具餵狗，帶狗去餐廳唔係問題，你唔好影響到人哋陣間比食環處搞到要停業清潔呀」。