:quality(80)/public/tvbcom/article/images/202606/810ddb5b-7907-4afa-9d13-dcb08ff5f0ec.jpeg)
近日網上瘋傳駭人影片，揭觀塘某知名連鎖超市疑爆嚴重鼠患！片段攝於深夜收舖後，可見店內大批豬肉疑未有妥善收好，多隻老鼠肆無忌憚地在肉堆中爬行兼直接啃食。樓主在貼文中言道：「不賣隔夜肉，只賣老鼠肉，準上市公司喎」。隨後有網民更新事件狀態，指涉事觀塘超市已貼出「內部裝修」告示。
閱讀更多：尖沙咀火鍋放題驚現巨鼠 天花板橫行險跌落煲 事主崩潰：食到有PTSD！
片段隨即引發網民熱議，有部分人對此見怪不怪指「全港街市啲豬都係咁上下」、「做街市都知多老鼠咬過嘅肉賣」；惟大批網民怒轟絕對不能將鼠患當作常態，直斥該連鎖店舖衛生管理惡劣：「唔係叫你地講其他街市點，呢種情況唔應該被接受」、「點解唔係覺得有問題，而係一味護航」、「呢啲肉夜晚唔係應該放係雪房保存既咩」、「好可怕」、「食左可能會病發」、「見到都作嘔」。
