東涌大媽大鬧時裝店 自撞玻璃門遷怒店員：點解唔掛Close牌！ 店員處理手法獲讚

有網民上載影片，樓主寫道「自己撞咗落玻璃門度，怪間舖冇落close牌」；片中可見，一名中女先大聲控訴「一個透明嘅...人咁高... 一個全玻璃牆」，之後中女遂說「你閂咗門點樣表示俾客聽？」店員則指門上設有「把手」供識別，但中女仍反駁「你第一個就大我呀」，並強調店內仍有其他顧客。

閱讀更多：九巴阿伯VS後生仔！疑因行李問題爆爭執 阿伯打電話Call「大哥」 後續令人意想不到

中女更指店舖應「好似人地咁... 寫個close」等清楚標示，否則等同「唔俾客入」，更質疑店舖 做法「係咁樣對客人？」消息指，片段攝於東涌東薈城某商店。

影片引發大量討論，大多網民認為中女責難商戶，而且非常無理取鬧，認為事件屬「自己不小心」，中女不應遷怒於人；亦有人大讚片中店員，在被高聲指責時仍能保持冷靜：「掛住望電話無睇道門」、「直接叫佢走，講咁多浪費自己時間」、「有心為難人」、「店員脾氣超好」、「傻人出沒注意！」