九巴阿伯VS後生仔！疑因行李問題爆爭執 阿伯打電話Call「大哥」 後續令人意想不到

有網民上載九巴車廂片段，一輛由元朗開往落馬洲的九巴，一名阿伯與一名男乘客疑因行李擺放問題爆發口角，阿伯先向手持大袋的年輕男投訴「放唔放得落地下啊？好重啊？好攰啊？點啊？吓！」對方回答「吓？你講咩？」，阿伯即時「爆粗」反擊：「咩你老X啊咩！唔好砸住我（行李箱）啊！」，之後互罵「X街」，阿伯一度起身挑釁：「落車啊！我去你屋企啊！」年輕男回應「OK你同我行啊！」

閱讀更多：疑買20蚊生果爆罵戰！大叔勞氣喪爆粗辱罵 女店員做呢個動作回敬勁爆笑

之後阿伯坐下，以擴音講電話：「大哥，喺邊？同個屎X鬼嘈啊，我而家去緊落馬洲，有個XX鏟攞兩袋嘢砸落我個篋度，我叫佢唔好砸，屎X鬼寸我喎……屎X鬼嚟㗎呢個，不知所謂！」坐在對面的阿伯妻子突然開腔：「大家一人少句啦，收線啦……唔好講喇，算啦，大家有時角度唔同㗎啫！」最終令兩人息罵收聲。

事件在網上掀起熱議，有網民留言狠批「單嘢去到咁小事，如果咁都要call班兄弟、「佢班兄弟咪日日都好唔得閒」；亦有人認為阿伯行為「涉嫌恐嚇，要去差館備案」，又揶揄他「電話都未識用，學人拖馬」、「呢啲擺明叫恐嚇！」