旺角連鎖店買蛋糕驚見疑似發霉 港媽怒轟「唔知個女食咗點算」 店家離譜處理手法惹公憤

近日有網民大吐苦水，指早前（23日）於旺角某連鎖蛋糕店購買了兩件蛋糕。事隔約三小時後，事主從雪櫃取出蛋糕準備給女兒享用，赫然發現面層的士多啤梨已發黑發霉：「9:15pm 從雪櫃拿出來給女兒吃的時候，出現令人惡心的畫面（士多啤梨已經發黑發霉）」。事主亦在貼文怒轟：「我真係唔敢想像如果小朋友在未有認知的情況下吃了，後果會怎樣」。

閱讀更多：尖沙咀放題湯底現熟曱甴 店方拒免單證物倒垃圾桶 負責人：曱甴有腳自己行 食環介入提檢控

然而，涉事蛋糕店的跟進手法更令事主怒火中燒。事主指出，店方於翌日下午5時許以電郵回覆，要求事主親自帶同該件「發霉蛋糕」及收據退回門市以作調查：「佢地竟然第二日下午五點幾覆email比我, 叫我攞返件蛋糕同埋單比佢地調查及檢討」。事主狠批店方處理方法欠誠意：「重好意思浪費我時間同車錢去攞返去, 同埋件蛋糕重點會留到第二日呀」、「佢地覆得咁冇誠意同搞笑, 我先post上fb咋」。

事件隨即在網上發酵，有更多苦主留言分享中伏體驗：「我都遇到個同樣嘅情況，我投訴到佢公司總部，都係好官方嘅話唔好意思」、「我幾年前幫襯葵芳店，食到屙，之後blacklist佢」、「幾年前買黑森林蛋糕慶祝生日，點知又乾又硬，真係好難忘，從此無再買過」、「佢地d蛋糕真係又貴又唔好食」、「冇買好耐，買過幾次都唔新鮮」、「幾年前我在崇光買過亦有同樣事，我返去大聲投訴，好多人望住，店員最後任我揀番一個不論平貴」、「呢間野d蛋糕又貴又唔好食，乾又冇蛋糕味」。