尖沙咀放題湯底現熟曱甴 店方拒免單證物倒垃圾桶 負責人：曱甴有腳自己行 食環介入提檢控

近日有食客發文大吐苦水，指早前與友人光顧某連鎖火鍋放題尖沙咀分店時，竟在吃到一半的湯底中撈出一隻曱甴：「食緊中途湯底撈出一隻浸到濕透嘅曱甴，明顯已經滾煮咗好耐，諗起之前飲過湯，成枱人即刻反胃」。店員發現後竟企圖收走裝有曱甴的碗碟：「員工第一時間試圖拿走載有曱甴嘅碟，好彩我哋有留影留底留證據」。之後職員更直接將食物倒進垃圾桶。

閱讀更多：黃埔超市麵包舖驚現老鼠 店方：已採取捕鼠及驅鼠措施

隨後店方經理接手處理事件。事主引述，經理不但堅稱廚房整潔，更反問曱甴來源欲推卸責任，全程未見道歉：「經理前來了解狀況，我哋即刻出示相片作證。點知經理竟然話『詢問過廚房，廚房好乾淨』，跟住轉頭反問我哋隻曱甴究竟係邊度嚟。」事主強調：「我哋一早同佢講明，上菜嘅時候完全唔見到，係滾完食材、湯流出嚟先發現，我哋極度懷疑隻曱甴一早匿喺個鍋底入面」。

經理最後僅以「換新鍋」及派發每人$100優惠券了事。事主指：「明知我哋心理陰影唔敢再食，經歷只懂機械式重覆提出換新鍋，完全沒有正視食品安全問題」。經理更企硬拒絕免單，事主形容情況：「經理更當場放話：唔會免單，唔滿意可以直接去報食環」。經理得知事主欲向食環署舉報後，亦答道一句：「好啦，你哋報」。

面對店方的惡劣態度，事主已即時將相片證據遞交至食環署作正式舉報，明言對事件絕不姑息：「我哋亦絕對不會姑息，已即時向食環署正式遞交相片證據作出舉報」、「人均$495收費唔平，連基本衛生同承擔責任嘅態度都欠奉。大家一定一定要避開呢間分店」。據事主釋出單據所示，最終折實人均消費為＄410.5。