旺角發生懷疑偷車牌事件 受害人急報警備案保平安 網民：偷牌做大茶飯？

樓主指只好報警備案，「咁冇計啦唯有報警落口供，然後泊架車喺度call車走先，聽朝去整完車牌先再開走」，續指警方看完CCTV後已鎖定犯人哋，「希望可以好快就拉到」，樓主又#了「報警保平安」和「唔好攞我車牌去打劫綁架運毒」。樓主更新狀況：「啱啱有荃灣CID話我個車牌已經喺川龍街搵返，最鬼同埋最恐怖佢真係套咗落一架黑色嘅mini度,不過唔係clubman係普通版mini , 我相信應該真係想扮影子車，anyway應該未犯案所以冇事。」

對於樓主的車牌被偷，不少網友深表同情，「百分百攞嚟套牌，報警先啱架啦，唔係輕則易通行幫人找數，重則被警察爆門上門拉話你涉嫌綁架殺人」、「偷牌做大茶飯？」亦有人分享經驗，「我都試過架電單車俾人偷牌，同樣是做犯法事運毒，因為條友俾人拉咗，警察打俾我問我架車個俾人偷知唔知？我話唔知，但循例我都要去警署落份口供。」

根據《盜竊罪條例》(第210章)，盜竊罪是嚴重罪行，最高可判處監禁10年。如果市民發現車牌被盜，應立即報警，獲取警方發出的報案證明文件（案件編號），之後應聯絡運輸署。最好應該重新領取新的車牌號碼，以避免被盜用的車牌繼續產生違規罰單。