貴婦狗咬爛主人$100紙幣 「眼睥睥」表情勁爆笑 網民獻計用呢招教狗狗咪再犯

不少港人也有養寵物，早前就有網民分享，指其養飼的玩具貴婦狗，把自己的$100紙幣咬去一角！狗狗事後仍擺出「眼睥睥」的樣子，似乎未有知錯，令樓主哭笑不得，更在貼文中寫到「開始要每日摷佢啲屎！」樓主之後更指「要日日擺喺佢面前，話俾佢知自己做錯事！」

閱讀更多：黃埔黑絲女疑為打卡危企天橋頂 網民轟罔顧安全：隨時打卡變打齋！

貼文曝光後，惹來不少網民留言，有人戲言相中狗狗「唔知錯，仲要睥住你」，更出手幫狗狗改圖；亦有人向樓主獻計，如何處理被咬開的紙幣：、「裱起佢 ，然後每日問佢一次」、「看這敗家子」、「做咩咁睇唔開食銀紙」、「爛少少其實可以攞去換」、「面積有70%以上可以去銀行換！」