:quality(80)/public/tvbcom/article/images/202603/5b933b4f-9038-42ed-b50c-e3e04e5d7fe6.png)
有港人搭的士疑被兜路。該港男在社交網上載影片，指自己日前由迪士尼搭的士到港珠澳大橋，惟他指的士司機兜了出青衣，「迪士尼去港珠澳大橋，你兜出青衣？唔聲唔聲想收我$250？仲同我講價？一講法例出黎你就X縮，如果唔係比面我媽媽，難得同媽媽出黎玩廢事搞咁多野掃興，我實同你報警玩大佢，仲比$100你？」
片長約30秒，港男對司機說：「師傅，你行錯路喎啱啱，出青衣喎，呢個價錢你想點收？」司機說：「係呀，減番佢。」港男即問減幾多，並指：「畀100元，得唔得？」但司機不接受，港男重申：「100啦，你咁樣兜路。」惟司機繼續反駁，港男見狀即朗讀法例，「道路交通規則，第374D章，沒有使用最直接而切實可行的路線，你仲嘥我啲時間」，最後司機聞言說：「得喇得喇得喇，過咗龍啫，一百一百一百。」
貼文引起地熱議，不少網民讚樓主有料到，「真係有 第374D章第37d 師兄有料」、「有冇車牌同名，直接去舉報啦，唔好害埋其他人！」、「真心師兄好有型」。
