私家車逆線行駛頂死2巴士！疑想鏟上安全島脫身 網民斥亂嚟：馬路炸彈

早前（5日）網上瘋傳一段私家車「逆線行駛」影片！影片可見，該輛私家車在紅綠燈路口位置逆線停泊，直接阻擋了前方兩輛正在等候轉燈的「23M」及「26M」路線巴士。

閱讀更多：九巴男強撕廣告貼紙自製「手機架」 網民斥缺德：破壞公物兼刑毁！

片段亦捕捉到，該輛私家車身處逆線後，未有即時「褪車」返回正軌，反而企圖從旁邊的狹小空隙，強行駛上行人安全島以求脫身，令現場交通出現短暫癱瘓，兩架巴士被迫停在原地；隨後只見有車長落車視察環境，影片到此而止。樓主亦在帖文寫道：「犀利，逆線行車，仲想攝入去過。2個車長都要X你，都唔識醒水，都係要繼續攝！」

片段曝光後火速在網上引起熱議：「行錯路仲要夾硬嚟」、「根本係馬路炸彈」、「厚面皮到呢」、「自私就係呢啲人」、「逆線都照衝，仲要硬插，真係好危險」、「呢個真係可以直接停牌啦」、「有片有車牌已經夠料告佢」、「點解可以蠢到咁，對頭車都行過去」、「無恥到不得了！」