打工仔被炒魷魚再搵工 擔心如實填寫CV影響搵工 網民因一原因勸老實

該網民續指最近開始搵工，煩惱是否如實填寫被炒魷魚，「咁算啦點都好啦都畀人炒咗，都要搵工，但有啲公司申請嗰陣，份申請表呢，直接就有問之前有冇試過被解僱，或者仔細到啲工作經驗全部要剔格仔，揀離職原因係自己辭職定係畀人炒定係咩原因。」

該網民坦言十分「頭痕」，「因為搵咗工好一段時間，暫時冇問呢個問題而interview咗又冇消息，問咗呢個問題，我又照直答嘅公司都冇interview，畀著嗰個係你嘅話，你會點樣回答呢個問題？或者大家覺得點樣做，搵工先會順利啲呢。」

貼文引起熱議，網民反應兩極，有人認為要照直講，「其實公司有機會做background check，打返去你前公司就知你有冇講大話」、「有公司background check真係會打去前公司HR問，你填自己辭職結果人哋打去一問係炒好似仲衰…」，亦有人認為不要寫在CV上，「講真話就會唔請你 講大話發現咗一樣唔請你 咁不如搏一鋪」、「上一份工做得長唔長先？ 如果少過半年 直接當空白期左 唔寫落cv啦」。