慈雲山公屋住戶亂棄帶蝨床褥 鄰居貼告示譴責「啲蝨周圍跳」 警告再犯出呢招對付！

有網民最近發帖投訴，指自己居住在慈雲山慈正邨，居住的樓層有住戶屢次隨處棄置大型垃圾，並上載兩張照片佐證；相中可見，電梯大堂外牆貼有手寫告示，直指同層有人亂棄「帶蝨又污糟」床褥，並寫道「各位XX樓住戶，請不要太自私，前2日已經掉咗張有蝨又污糟嘅床褥出嚟，清潔姐姐已處理咗，現在又扔啲蝨會周圍跳，你自己都受害！」告示又警告若再繼續，將「一定打比房署扣你分！」

閱讀更多：港人公屋三派獲配「九龍區神邨」！惟單位屬自然身故陷猶豫 網民列2大原因勸收樓

針對有人亂棄大型垃圾的問題，有網民提出實際建議，認為要追查涉事住戶並不困難。保安在巡邏時若發現公眾地方被隨處棄置大型物件，可即時發出警告信並限期清理；同時，公屋座頭亦可翻查近期是否有住戶訂購床褥或大型家具的送貨紀錄，以追查來源。

帖文亦引發網民熱議：「依家啲人全無公德心」、「依家D人自私自利，全冇公德心」、「好心愛錫下環境啦！」亦有網民分享經歷：「我同層有個單位間屋，應該有好多曱甴，佢掉出嚟啲垃圾有好多曱甴蛋同屍體架。有次仲要好多曱甴未死嘅，成個垃圾房都係曱甴。我忍唔住狂噴完殺蟲水，再叫保安call清潔即刻清走哂佢。我地同返果家人講，佢仲惡過你話邊個屋企冇曱甴喎！」

房屋署為保障公屋環境衞生及住戶健康舒適居住環境，設立扣分制，違規者將按行為嚴重性扣3、5、7或15分。根據房屋署資料，亂拋或胡亂棄置垃圾屬扣7分行為，若公屋或中轉屋住戶兩年內累計扣滿16分，其租約或暫准證將被終止。