港人公屋三派獲配「九龍區神邨」！惟單位屬自然身故陷猶豫 網民列2大原因勸收樓

有網民發文分享，指自己剛接獲房署發信通知，成功獲「三派」元州邨元樂樓之單位，本屬喜訊一則；惟樓主發現該單位屬於前住戶自然身故後騰空，故令他感到相當猶豫，不確定應否接受這個編配安排，故發文向網民諮詢意見！

閱讀更多：柴灣溜冰場男子狂倒花生油！ 目擊者指疑因不滿小童玩滑板 網民怒斥行為極危險 警列糾紛跟進

帖文惹來網民熱烈回響，惟留言各執一詞。有網民列2大原因勸收樓，分別是「九龍區無敵地段」和「自然身故屬正常現象」，「元州邨好難先有，要考慮清楚」、「建議去睇睇先」、「元州邨幾好，地點幾方便，拜一拜先入住」、「派呢度好過中六合彩二獎」、「MTR上蓋好正㗎」、「自然身故唔驚，睇東張有個思覺失調，整人門口，打人度門果d仲驚」、「自然走！有乜嘢好怕呀！最怕冇地方住」、「、「其實香港人口老化，老人開始多，在家中自然身故都唔係大不了的事！」

亦有網民留言反對樓主收樓：「唔好要，自然死，都係死咗人屋」、「死過人唔要，住到自己心唔安樂」、「問得呢個問題，即是過不到自己的心理關口，不要吧」、「無謂擔驚受怕」、「你問得嘅，即係介意啦！介意嘅點要啊，想晚晚發惡夢咩」、「以前隔籬屋就係自然身故，臭到成條走廊都係鹹魚味，可想而知地板啲血水成屋都係」、「自然身故都好似唔計一次喎，再抽！」