後生仔搭龍運巴士席地而坐 霸佔輪椅位兼倒瀉汽水 車長出呢一招KO 網民：司機好波！

有網民早前上傳影片，大呻一批年輕男女參加完ComplexCon後，乘搭龍運巴士時的連串不文明行為！樓主稱該批男女涉嫌「插隊」，更在下層車廂通道席地而坐；畫面可見，有3名女生背靠行李架、4名女生霸佔輪椅停放區，另有1名男生直接坐在樓梯口，更有女生手持已開蓋的罐裝汽水飲用，樓主指「我望住佢開個蓋，仲要倒瀉，漏到周圍都係」。

閱讀更多：車Cam片｜葵芳街頭驚現死老鼠 清潔工隨手剷落馬路

樓主透露，最終巴士車長看不過眼，透過廣播開咪直斥「後面的人請勿坐地板」，該批男女聽後只好「你眼望我眼，死死地氣起返身」。

事件曝光後旋即引來網民熱議，不少人狠批該群男女行為離譜：「坐咁多年巴士，我都未見過有人咁樣坐係巴士地板到」、「當自己屋企咁」、「咁後生就攰到企唔到？」、「其實好想提佢地，地下真係好污糟」、「司機係啱嫁，嫁車一煞車就真係好玩，司機多謝佢唔少」、「司機態度算好好」、「佢坐完地，又周圍坐，其實整污糟埋啲櫈」；「司機好波」！