車Cam片｜葵芳街頭驚現死老鼠 清潔工隨手剷落馬路

有網民近日釋出車Cam片，可見有清潔工正在葵芳街頭掃地，惟行人路邊有老鼠遺體，竟只是隨手將老鼠剷到行車路上，便轉身離開。樓主指：「喺街見到死老鼠就咁剷落條路到，即場叫佢掃返走，同佢講話有片影到佢」。

閱讀更多：港車北上廣州爆衝突！港男開車撞內地司機後逃逸 消息指被行政拘留14天 網民：影衰香港人

影片在網絡惹來迴響：「放生嘛」、「唔怪得啲渠道堵塞」、「你可以打去愛協或致電食環蟲鼠組處理」、「會唔會死老鼠係另外一個部門負責呢」、「佢可能叫你call黑箱車」、「馬路唔係工作範圍」、「人哋掃街已經人工低，日曬雨淋，你都唔好要求咁高呀」、「你即場示範掃」！