/public/tvbcom/article/images/202511/5e14c9d4-b433-4d6c-9f33-2f0a4c7db849.png)
網上流傳一段影片，一輛巴士埋站時疑似閘門失靈，開極都開不到門，巴士車長只好人手開閘門，惟試了幾次均開了門不足數秒便自動關上，車長不禁露出驚呆表情，後來車長只好趁開門期間的數秒衝下車，靠車外的開門掣開關才順利開到門，事件罕見。
片段引起熱議，有人笑言「頭幾秒，我以為司機玩門」、「自動門」、「似俾門玩多啲」，之後有資深巴士迷解畫，直指：「閘門基本嘅操作原理係電控風，即係個系統主要靠電子控制結合氣壓操作元件控制開閂門動作，喺司機位撳掣控制閂門，透過電路俾電閘門電腦，再俾訊號去閘頂接收元件，觸動電氣門valve去分別接通控制開門或閂門動作嘅氣路。而門頂同埋車外緊急掣，係繞過所有電子控制元件，直接操控閘頂開閂門氣動valve。」
該網友分析因兩大原因出事，「第一種亦都係最普遍嘅，位於閘頂控制閂門動作氣動控制valve 故障，又或者其中一個緊急掣jam死，引致閂門氣路處於長期開啟狀態。第二種可能性係電路系統故障，長期俾閂門訊號去閘門控制氣動valve ，同樣會導致相關氣路長期開啟引致片中所見嘅問題。」
