:quality(80)/public/tvbcom/article/images/202511/afdf8845-0fbc-4a1c-aee4-1daf7b894794.png)
網上流傳一張招聘告示引起熱話，告示寫着請兼職，招聘條件是「重點：做人有基本常識～免勞氣」、「能獨立處事」、「必須銀行出糧」、「每星期最少上班兩天」、「有半日（5小時）或全日（包飯鐘）」，時薪則是$65/小時 。
最後告示寫到「企鵝、消防員、飛機師免問；讀緊書、當暑期工、不能搬重物亦免問。」貼文引起熱議，當中有「企鵝」、「消防員」和「飛機師」最多人討論，好奇到底是甚麼意思，有醒目的網民解答：「企鵝- 企係度唔做嘢，消防-返一日放兩日，飛機師-成日放飛機」。
惟有網民嫌出手低，「人工出高啲就唔會有企鵝、消防員、飛機師問題，出手咁低就想請個勤力嘅人」、「明知自己開嘅條件+工作伏過伏特加，想請水魚又嫌啲水魚彈出彈入五時花六時變。 畀得夠好點會有咁多企鵝消防飛機」、「識呼吸都唔止65蚊粒鐘啦」。
