屯門片皮鴨放題疑現發霉餅皮 餐廳咁樣處理惹議 網民嘲：仲以為係黑松露！

近日有網民發帖，指早前光顧屯門區某酒樓「片皮鴨點心放題」，雖然鴨肉偏凍，惟當事主在自助區取餅皮回座時，打開竟驚見「塊塊都發霉」！從上載影片可見，一疊餅皮逐層揭開後，均見佈滿疑似霉菌的不規則黑點，事主再次查驗自助區發現其餘餅皮，發現其他亦遭殃。事主即場通知職員後，對方已將餅皮收走，但未見進一步跟進措施，事主憂慮已有其他食客中招，目前已致電 1823 投訴要求相關部門介入調查。

閱讀更多：巴士阿伯自創「私人影院」！用橡筋固定手機邊睇片 一窩心舉動獲激讚：優質市民

不少網民也留言表達擔憂：「應該係黑松露」、「呢間除左野食差，服務亦差」、「之前食過冇留意，睇完勁擔心」、「平時好多老人家幫襯，勁擔心佢地冇睇清楚」、「唔好咁害人啦！黑心食店」、「食物又貴，又唔係特別好食」、「搓麵粉嗰陣，竉物飛咗埋去啫，一齊食埋好補㗎」、「街坊要廣傳，唔好再幫襯！」