巴士阿伯自創「私人影院」！用橡筋固定手機邊睇片 一窩心舉動獲激讚：優質市民

近日 Threads 瘋傳影片，見到一名伯伯乘搭巴士時發揮民間智慧，自備橡筋將手機穩穩固定在扶手上，成功打造「低成本私人影院」，全程還邊睇邊打拍子，相當寫意，此舉更被喻為「自製巴士頭等艙」；更有網民發現伯伯仍使用 2014 年推出的 iPhone 6 舊機，大讚他知慳識儉，笑言「聽下歌好過俾人 WhatsApp 詐騙！」

閱讀更多：乘客展示港鐵「粗言穢語」罰單 網民好奇：你究竟有幾粗口？違例最高可罰款$5,000！

影片隨即引起網上熱議，大批網民除了讚嘆伯伯具備生活智慧，更指其生活態度亦相當寫意：「戴耳機冇打搞到人，優質市民」、「呢啲生活自得其樂，好寫意」、「伯識用橡筋，又唔嘈住人」、「好有生活智慧」、「伯伯一定平時都好醒目」、「最鍾意呢類有公德心嘅老友記」、「唔嘈住人，一定俾個叻佢！」