:quality(80)/public/tvbcom/article/images/202607/fb719c63-93ab-4354-af08-4a17f6434463.jpeg)
網購族注意！早前（28日）有屯門大興花園的街坊分享CCTV片段，可見一名綁馬尾的男子原本正準備搭升降機離開，期間留意到事主門前的包裹，馬尾男左右張望後，最終仍將事主的包裹據為己有。
閱讀更多：大埔居民注意！太和寶雅苑現兩神秘男徘徊 門前做一事惹「踩線」疑雲
事主透露，馬尾男身份為一名餐廳外賣員：「尋日俾人偷咗件拼多多，係一個送外賣既阿叔攞左，佢望咗我cam 都幾秒鐘掙扎咗一陣 ，但都依然行過嚟踎低，拎咗件拼多多走」。而事主公開CCTV片段，旨在提醒街坊「小心賊仔」，並已報警處理。
事主指曾聯絡馬尾男任職的餐廳，願意給予其改過機會，承諾若原封不動歸還包裹便不予追究。惟對方擅自拆開貨物，最終僅歸還一張屏幕保護貼（Mon貼）：「機會其實我俾咗佢 ，我當日即刻聯絡佢同佢公司講咗佢如果原封不動俾返個包裹我嘅，我就當冇呢件事發生過。但佢最後拆曬份件，淨係還返個mon貼俾我 ，另一樣嘢佢話要返屋企摷吓 ，最後一樣就掉咗 」。
CCTV影片公開後，網購公司供應商亦主動聯絡事主，留言交代知悉馬尾男身份：「街坊你好。我係拼多多送上門屯門供應商，大興花園係我負責嘅地區，如果客人有需要報警，我哋可以安排派送同事同你一齊落口供，我哋亦知道呢個外賣員喺邊度工作，如果有問題，歡迎DM我」。
不少網民對馬尾男的行為表示匪夷所思：「拼多多買啲嘢都唔係好值錢啫，咁都要偷」、「唔明啲人，佢哋都唔知嗰件快遞入邊係裝啲咩，咁都好偷」、「佢係咪期望拼多多裏面快遞會有隻勞力士」；大批網民支持事主報警以儆效尤：「報警應該可以check到係邊個」、「樓下保安有登記，報警等警察查」、「有CCTV仲係外賣員，一問就知啦」。
根據香港法例第210章《盜竊罪條例》，任何人若不誠實地挪用屬於另一人的財產，並意圖永久地剝奪該財產，即屬觸犯盜竊罪；該罪行一旦循公訴程序定罪，最高可被判處監禁10年，市民切勿以身試法。
