大埔居民注意！太和寶雅苑現兩神秘男徘徊 門前做一事惹「踩線」疑雲

近日有網民發文，懷疑住所被賊人「踩線」看中！事主居住於太和寶雅苑，早前（27日）事主早上外出期間，發現有兩名形跡可疑的陌生男子，在門外徘徊並按動門鐘：「剛剛發現我家門口有兩個陌生人按我家門鐘。今日無有任何包裹會收取，而且佢哋睇落都唔似係速遞員，覺得好可疑」。事主對此非常擔心，故上載截圖向網民發問：「想問大家有冇遇到類似情況？有啲驚，會唔會係踩線」。

閱讀更多：七旬夫婦臨老離婚 非公屋戶主身份恐被趕走？附房署資料拆解迷思

隨後事主更新事件狀態：「事發當晚我已經報警備案，今早再打去管理處，佢地話會叫管理員加緊巡邏。我問要唔要提供相比佢地張貼大堂同比保安，佢地話唔需要。」事主亦向街坊呼籲道：「大家呢排都多多留意自己住所，保護自己、家人同鄰居」。

事件曝光後，惹來不少網民留言分享類似經歷：「九成踩線」、「個款都似係老爆」、「好明顯唔係速遞」、「之前試過有人就咁，上黎攝左兩封信話爭佢錢，但全家無欠債」、「有日我打開門吸塵，發現度門比人用鉛筆打橫劃左一行，條線係大人行過垂低手高度，因為我鐵閘係舊式菱型格，所以條線係斷續，我有落去保安室報備」、「依家真係多咗陌生人跟隨住戶入，然後每戶都去貼紙，講就話貼傳單，但實際係做乜唔知，比人捉住仲唔肯登記證件。要提老人家小心」。

亦有網民建議事主可向鄰居了解詳情：「相片最後係尾有一個坐係門口，如果識嘅可以問下佢知唔知有陌生人上過黎」、「鄰居？有冇機會問下佢聽唔聽到啲乜？or你個cam有冇聽到佢哋有冇講咩」。