將軍澳網購爛紙箱跌出生番薯 網民憂食安危機：運到嚟會唔會變壞？

近日有將軍澳街坊發文，直擊一單惹笑的「網購私隱外洩」事件！上載圖片可見，一個堆放在屋苑路旁的快遞紙箱，疑因慘遭大雨淋至霉爛穿底，導致箱內的物品原形畢露。從爛紙皮中跌出來的「兩條嘢」，竟然是沾滿泥土、相當肥美的生番薯！樓主見狀不禁呼籲物主：「盡快拎取」。

閱讀更多：港人外賣$87肉醬千層麵中伏 驚變乾麵皮淋幾滴茄汁 網民問：冇焗就上菜？

帖文隨即引起網民熱議，有人認為連售價便宜的「生番薯」都要網購，感到匪夷所思：「港買番薯好貴咩」、「野食都網購，啲人真係冇腦」、「蕃薯網購到港都爛了」；亦有人指出新鮮食材經歷長途跋涉隨時變壞，衛生情況堪憂：「買幾蚊番薯，隨時要攞幾千睇醫生」、「食落肚會唔會食物中毒」、「大雨過後，聽朝出太陽好快發芽」、「戥你健康擔心」、「等佢發芽食番薯葉就啱喇」、「裡面好多蟲蛋，曱由，放的地方污漕邋遢」。

有網民留言踢爆其他奇趣網購例子：「生雞蛋都有人拼啦」、「同事試過網購百香果，仲要係臭狐味」、「之前見過屋企人網購蒸餾水，有病」、「見識過同事榴槤都照淘落嚟」。