將軍澳疑現跨國扒手黨 信用卡失竊半小時 即於日本遭盜刷 事主急尋車Cam片緝兇

將軍澳區疑現跨國扒手黨作案！近日有將軍澳街坊發文，指其家人於周一（22日）早上約9時，由坑口寓所途經港鐵站步行至將軍澳運動場期間，驚覺背囊拉鏈被拉開，銀包不翼而飛：「點知一去到運動場，就發現自己個背囊俾人拉開咗，入面個銀包已經不翼而飛，好大機會係喺呢段路程中，懷疑係等紅綠燈期間一時唔留神，俾啲專業扒手打荷包偷走咗」。

閱讀更多：長洲街坊驚遇街頭勒索 3男截停單車逼掃付款碼 事主靠一招保平安

銀包被偷去短短半小時內，事主家人的信用卡竟被極速盜用，於日本一間高級餐廳遭人簽下大額帳單，行回覆指該筆消費屬實體店的「面對面交易」，此舉令事主大感不解：「銀行覆我哋話對方係face to face交易。但當時我屋企人明明喺將軍澳，張卡點飛去日本」、「後來上網查返，原來依家有大型跨國犯罪集團，前線專門喺我哋呢啲住宅區小商場/街度偷卡，賊人同夥就喺日本將信用卡加落手機apple pay/ google pay入面進行交易」。

事主已就事件報警，發文警世將軍澳街坊及廣大市民提高警覺，並懇求途經該路段的街坊提供車Cam片段以協助緝兇：「如果你當時行過呢段路，有留意到身邊有咩可疑人士、或者你揸車經過嘅車 Cam 咁啱影到當時情況，懇請借段片一用」、「想借呢件事提醒咁多位街坊，可能呢班跨國賊而家專攻我哋呢啲住宅區，因為知道街坊喺屋企附近買餸、去圖書館、行商場心情最放鬆，警惕性最低。大家出街（特別是去街市、買餸車、BB車）一定要拉好個袋，小心睇實財物」。

帖文隨即惹來網絡迴響，有網民分享同區早前亦現扒手黨作案：「前幾日有街坊背囊被人拉開，好彩及時發覺，大家背囊最好裡頭掛些發聲吊飾钩起，可以及時發覺」、「唔知昨日定前日，有人提醒好似遇到扒手跟蹤， 好彩冇事」、「咁誇張，好恐怖，平時係自己生活的小區街市，真係會放鬆警戒心」、「大家小心，尤其背囊」。

亦有網民事主可向銀行查詢更多詳情：「你問清楚銀行係邊張信用卡，如果係虛擬卡係幾時加，如果係剛剛加，點解手機冇收到驗證碼，冇sms或email通知加左卡」、「加卡要驗證，你可以問銀行幾時加卡，點驗證，冇可能咁就加到」、「有冇機會係被偷銀包之前已經唔見咗張卡」。