家長抱幼童企超市收銀枱 遭喝止竟換機再踩 目擊者：嗰度放嘢食㗎！

近日有網民大吐苦水，指在某連鎖超市排隊付款時，目擊有家長任由穿著鞋的幼童直接踩上供大眾擺放食物的自助收銀枱，只為讓其體驗掃描條碼：「家長竟然俾小朋友就咁企喺平時大家放嘢食既自助收銀枱上面，仲讚佢識得啫條碼好叻叻」。

閱讀更多：港媽青衣城疑遇撞人族 6歲女被撞到成個人彈起 網民都遇過：撞一撞啲錢唔見晒！

事主無奈表示，當時因排得太後未能即時尋找職員協助，，期間雖有見義勇為的男顧客大聲喝止，惟該家庭充耳不聞，甚至誇張到轉戰另一部收銀機：「我有聽到前邊個男人勁大聲話好心唔好擺個女企上去，但唔知係佢地聽到定點，成家換左另一個自助收銀機照擺個女上去」。

帖文隨即惹來網絡迴響，不少人怒轟涉事家長對幼童有欠管教：「有時唔好賴細路，家長都好有問題」、「最憎啲細路著住對鞋週圍踩櫈好討厭」、「好多人其實唔係討厭小朋友，係討厭唔識教嘅父母」、「咁做真係好無公德心」、「啲家長成日覺得自己個細路好似真係公仔咁，邊到都可以擺佢哋上去」、「除鞋先放上去啦，講緊個小朋友」、「用鏡頭對住佢大聲啲：唔該你抹返乾淨」、「做家長嘅唔識教小朋友，邊啲係唔啱嘅咩」。