妥瑞症小朋友睇《唱錢》迷上側田 拍片挑戰《數字人生》勁有Heart！本尊側田鼓勵：期待和你jam歌

樓主留言：「細佬星期六晚睇完TVB唱錢之後知道邊個係側田，細佬仲贊側田好叻好勁，唱歌好好聽，跟住呢兩日無時無刻都系度唱數字人生。第二日我講咗側田當年都紅紅嘅歷史俾細佬聽，細佬好希望側田會繼續努力唔好放棄香港樂壇繼續唱歌。」

樓主指仔仔兩年前確診妥瑞症，更因抽動太厲害而沒法上學，「好彩讀緊間學校啲老師同埋同學唔會因為細佬佢有抽動同眨眼，有時仲會控制唔到會大叫而取笑佢，同學們都好錫佢同體諒佢。」

樓主續言仔仔這2年十分努力與妥瑞症對抗，「佢希望可以盡早康復。有妥瑞症嘅人其實都係正常人，只係有時有自己都控制唔到嘅抽動。」，又指仔仔3月29日生日，希望側田可以留言講聲生日快樂，本尊側田聞Post而至，留言：「努力練鼓，期待和你jam歌」。