旺角疑現少女黨搭訕詐騙團 專撩年輕男士！假裝輸賭要「拖手搭膊頭」埋身 得手後騙錢騙個人資料？

樓主再指：「早兩個月已經喺鑽石山站遇過一次，今次就到旺角站，佢哋專搵幾個唔係好靚嘅後生女仔黎呃人，大家睇路。」片中所見，三個女生並排而行，其中一名女生警覺性較高，望向樓主位置。

貼文引起熱議，不少網民遇過同類事件，留言：「分分鐘係美容妹添，借頭借路第日約食飯放長線吊大魚，只係唔係交友網，而家搬番去現場搵目標。」、「高短肥瘦整晒。全方位進攻」、「我響鑽石山都見過，專搵年輕仔仔！」、「我都遇過兩次， 第一次喺鑽石山荷里活，有兩個女話自己玩party room 輸咗，要抄我牌。 嗰陣無無聊聊吹咗成晚水當打發時間，然後就冇啦 (簡單啲嚟講就係完全攞唔到我任何著數) 第二次喺德福花園又係有兩個女仔問我咩星座之類，我求其答下就走咗。都唔知係乜嘢新型奇怪詐騙手法」、「旺角TOP遇過，等緊朋友期間，有幾條女走黎話同FRD打賭輸左，之後要拖陌生男仔行街。」