天水圍冰室焗豬扒飯現「粉紅肉」 食客投訴獲回覆「雪藏係咁」網民懷疑落咗呢樣嘢出事

有網民分享餐廳中伏體驗，樓主指自己早前光顧天水圍某冰室，點了一客焗豬扒飯；惟餐點上菜，切開豬扒卻發現肉質依然嫩紅，還未熟透；樓主曾向職員反映，惟獲「都（煮到）離骨架喇」、「有時雪藏係咁」等回覆，樓主更指職員「話焗過個俾我，唔好意思都冇聲」，坦言自己「食咗幾舊先發現，都唔知有冇事添」。

閱讀更多：粉嶺站大堂男子疑踩單車送外賣 人群中穿插勁牙煙 街坊爆料：粉嶺站經常㗎啦！

帖文隨即引起網民熱烈討論：「生豬肉唔食得」、「有可能鬆肉粉落得多咗」、「其實粉紅色真係唔代表唔熟，係開始變D肉」、「落過梳打粉就會咁」、「食生肉，一陣有奇生蟲」、「餐廳真係不知所謂」、「落太多梳打粉乸到咁樣，d肉蛋白質冇曬」、「焗多2分鐘使死咩」、「報食環啦，冇嘢好問」。