大埔街市貨車驚現雀鳥狂啄生肉 網民憂衛生隱患：日日都見到！

最近有網民分享奇景，影片疑攝於大埔富善街一帶，畫面可見路邊停泊了一輛運送肉類的貨車，尾板放滿一堆裝有生肉的膠籃，期間竟引來數隻雀鳥在籃邊「開大餐」，盡情啄食生肉，惹來衛生隱患！樓主更在貼文中戲言：「司機：你再唔返嚟，啲肉俾啲雀食晒㗎啦！」

閱讀更多：中環私家車疑違泊阻路引發車龍 現場司機多次響號鼓噪 目擊者：警車開咪都唔走！

帖文隨即引發網民熱議：「D病毒就係咁嚟的」、「都好過係老鼠呀」、「好明顯喺度幫司機把風啦」、「啲雀鳥好似係夜鷺」、「呢啲係咩雀呀，咁生面口嘅」、「然後賣給人類的都是牠們的口水！」、「日日都有㗎啦！喺富善街停車場」亦有網民持相反意見，認為：「識野既都知，呢啲係豬肉檔下欄野，唔等收去掉既豬皮, 唔係俾人食」、「本身啲肉都唔係人食！」