中環私家車疑違泊阻路引發車龍 現場司機多次響號鼓噪 目擊者：警車開咪都唔走！

有網民分享多張相片，攝於中環亞畢諾道馬路，相中銀色車車主疑長時間停在路中阻塞交通，據指現場曾有司機多次響號，後方司機更有破口大罵，惟車主仍堅持不肯開車，連警車到場以擴音器呼籲駛走亦無動於衷。樓主在貼文無奈寫道「車主買起成條亞畢諾道，俾人咇左幾分鐘都堅持唔開車，後面司機鬧都唔開車，警車開咪都唔走。欣賞你！」

閱讀更多：車Cam片｜小巴求讓線伸手出窗外做一手勢 Cam主讚有創意：全日好心情咗！

帖文惹來網民熱烈迴響：「呢啲人係知自己有錯，只不過面子事大，所以唔會直接走」、「點解做人要做到咁賤格」、「違例泊車係人都有，唔好影響人做到咁衰格」、「對面落建築材料，但同樣都係違泊阻路」、「如果佢係私人司機，老闆又要佢係果倒等，佢可能為咗份工真係唔敢走」、「差佬趕都唔走係咪咁堅呀」、「而家啲人真係好自私，以為揸私家車大曬咁！」