大埔男商場露台吐痰落樓 極嘔心！無辜途人險中招 街坊怒揭多項前科

近日有大埔街坊直擊一宗「恐怖襲擊」，樓主指途經大埔安慈路時「行行下聽到有人咳」，赫然發現翠屏花園商場二樓平台，有一名長髮男直接「咳痰落黎」，更差點命中樓下一名無辜女士，而長髮男吐痰後竟毫無愧色，更狀甚瀟灑地撥弄一頭長髮，行徑令人側目！

閱讀更多：電車女疑搭霸王車 硬攝車尾閘落車 網民揭一盲點平反：未必走數！

帖文隨即引來大批街坊留言，不少人稱長髮男惡行都有前科：「佢之前含住夾公仔機嗰支桿，即係好似人哋食珍寶珠咁樣」、「尋日先見呢個人周圍吐痰，喺垃圾桶度執煙頭食」、「有次仲跟住我，我即刻行入診所，當睇醫生避難」、「好耐之前日日喺火車站左發右發，一係就坐喺度打坐，睇住佢由有頭髮變到禿頭」、「成日係食肆門口行黎行去，係垃圾桶上面搵煙頭」。