大埔康樂園兩賊入屋爆竊 10分鐘速掠近百萬手錶珠寶 屋主發片懸紅緝兇

大埔康樂園發生爆竊案！有網民於社交平台Threads發文，指本周一（28日）晚約8時半與家人外出用膳時，遭兩名戴鴨舌帽及口罩的賊人，利用伸縮梯撬開玻璃門潛入屋內作案。閉路電視顯示，兩名年約30至40歲、身形瘦削的男子直闖二樓，短短10分鐘便掠去數十隻手錶及飾物，隨後匆匆逃去。事主回家驚見失竊已即時報警。

閱讀更多：大埔居民注意！太和寶雅苑現兩神秘男徘徊 門前做一事惹「踩線」疑雲

事主心痛表示：「偷走咗幾十隻手錶同飾物，下面有部分被偷手錶嘅相片。其中係我爸爸送畀我人生第一隻手錶，意義大過一切金錢」。事主特意發文呼籲大埔區街坊提高警覺及加強防範，同時願意提供報酬尋回失物：「最近大埔區爆竊多咗，所以除咗報警之外，我都想用網絡力量自救，麻煩大家認住呢兩條友，同時提提大家要小心防範」、「如果大家見到有人兜售或carosell 見到來歷不明嘅手錶（好似相入面呢幾隻），或者有任何關鍵線索幫到手，知道係咩人所為，我願意畀返尋回物資現價至少 30% 作為報酬 。另外，我亦會再捐出多 20% 去做慈善」。