外賣員新年送早餐收$3,000大利是？一細節被網民質疑自導自演！

農曆新年不少市民都會大派利是表達心意！一名外賣員近日發文，表示在年初一（17日）「開年即中頭獎」，樓主稱替外賣平台送早餐期間，獲客人送上「大利是」，竟然足足有3,000元！圖片所示，訂餐戶特意遞上粉紅色利是封一個，打開後發現內裏放有6張500元紙幣，總額3,000元，樓主更興奮直呼「馬年行大運！今早送早餐外賣，客人給我三千蚊大利是！今年一定由頭好到年尾」。

閱讀更多：車Cam片｜尖沙咀2女子「當人車頭係枱」 多袋重物直接放車頭蓋 網民鬧自私：好冇品！

帖文隨即在網上掀起爭論：「其實香港係有啲好好嘅人」、「樓主認真好運」、「今年好意頭啦你」、「執到啦！」不過更多人留言質疑事件真確性：「外賣掛門口但收利是」、「咩客人會畀你利是，但自己個餐仲掛喺出面」、「自導自演」、「自己封比自己！」