車Cam片｜尖沙咀2女子「當人車頭係枱」 多袋重物直接放車頭蓋 網民鬧自私：好冇品！

有網民日前在網上發文，指早前於尖沙咀 K11 Art Mall停車場泊車，惟翻查車CAM時發現，有兩名剛購物完的女子，在停車場內興高采烈「執拾戰利品」，期間竟把多袋沉重物品，直接放在樓主私家車的車頭蓋上暫放！樓主更無奈表示「知你哋兩個買完餸好開心，但唔好當人哋嘅車頭係張枱！」

閱讀更多：洋漢大鬧機場！推倒多台智能登記櫃檯 涉刑毀等2罪被捕

不少網民留言炮轟片中女子行為自私：「真係冇乜常識，源於自私，不會顧慮別人感受」、「報警 ，車牌搵返管理處就有」、「人無恥便無敵」、「搵東張同佢宣傳下」、「確實係好冇品」、「自私成咁，點解唔放係自己架車到執」、「如果調返轉，人哋喺佢架車上面執嘢嘅話，佢地又會點諗」、「呢啲算唔算刑事毀壞？」