土瓜灣街市肉檔疑呃秤？店員出一招「一肉兩價」出售 街坊爆料有前科

有網民發文訴苦，指自己第二次光顧土瓜灣街市某肉檔中伏；樓主當時看中一塊牛腩但嫌太大，遂要求女店員一分為二，打算購買較細的一份；豈料店員竟先拿起大份的一塊秤重，最終報價二百多元；事主堅持要細份後，店員疑故意用身體遮擋視線，秤完後竟同樣開價 $220：「其實未秤之前我一直話要少啲，所以堅持要另一舊細塊嘅」、「用身體擋住我視線秤完話$220！」

閱讀更多：港人搭上恐怖的士！司機駕駛期間持電話傾股票 兼未有展示司機證 事主嚇壞「係咁飄過隔籬線」

之後樓主質疑店員為何細塊反而更貴：「跟住我問佢幾錢一斤......第一嚿$168，第二嚿$188」，原來店員竟將同一塊牛腩拆成兩個價錢，但樓主仍無奈買下。上載相片可見，該塊價值 $220 的牛腩，亦僅略大於一個草菇盒。

帖文一出即有網民爆料，有指涉事肉檔早有前科：「呢間真係價錢隨口噏」、「呢檔出咗名唔老實」、「出哂名海鮮價」、「上次仲坤個客，話條毛巾遮住果嚿冰凍牛小排係新鮮」；亦有指店態度極之惡劣，就連店舖衛生亦被詬病：「新鮮同埋凍肉兩溝」、「可能我廣東話唔係好正，就問幾錢一斤，店員就話，好貴嘅，寸到死。」