全港最迷你聖誕樹？屯門商場聖誕樹仲矮過圍欄 街坊：係咪網購錯Size

有網民上載照片，攝於屯門區某商場，相片可見，商場擺放了一棵迷你聖誕樹，四處亦被不銹鋼圍欄連同綠色帶「重重包圍」，樹腳邊亦擺放了幾份禮物盒、公仔與小鹿裝飾，非常簡單；樓主亦在帖文笑言：「啟豐商場棵聖誕樹，可能係全港商場最迷你！」

閱讀更多：土瓜灣街市肉檔疑呃秤？店員出一招「一肉兩價」出售 街坊爆料有前科

帖文惹來不少網民留言，有人更嘲諷設計離地又掃興，更有網民認為「好似臨時放低等人嚟搬走咁」：「係咪網購錯SIZE」、「有商場你就行，睇咩樹啫，咁鐘意睇樹去森林啦」、「好似棵樹坐監」、「一個商場擺得咁細棵樹，不如唔好擺出嚟啦」、「可能種緊等長大」、「圍欄高過樹，第一次見！」