:quality(80)/public/tvbcom/article/images/202508/19eb57ad-4ee0-4e43-92be-c81cc91729cd.png)
元朗出現疑似迷暈黨！有居住在元朗的女網友在社交網發表警世文，她指日前（7月25日）約下午6時45分左右，在元朗民政事務處對出行人路，遇到一名操普通話的女子，「有個講普通話嘅女人問我附近有冇嘢食，（期間掂住我手臂），我同佢講完附近有咩嘢食之後，佢問我可唔可以帶佢去餐廳幫佢埋單。」
樓主指當時已感到奇怪，「佢帶住一條 Van Cleef & Arpels頸鏈，我心諗咁有錢應該都唔會冇錢食飯，所以同佢講我冇錢拒絕咗佢，跟住我就急急腳走咗。」惟過了幾分鐘後，樓主感到手腳無力：「過咗幾分鐘之後，我開始覺得手腳冇哂力，個人好瘟瘟沌沌咁，好彩我屋企好近，所以好快返咗屋企。」事後樓主愈想愈怕，「依家諗返都覺得有啲恐怖，如果當初跟咗佢去餐廳，可能我而家就唔喺屋企了…所以各位出門在外一定要小心！提高警覺！」
貼文曝光後引起一眾網友熱烈討論，不少網友指：「咁黐線」、「無啦啦身體接觸，無論咩人都已經唔使理立即掉頭走」、「所以而家無論咩人行埋嚟，我好自然會彈開幾呎，問路唔使行咁埋」。
