:quality(80)/public/tvbcom/article/images/202508/9f72028d-a922-4dd2-8695-240918ea2612.png)
最近本港雨天連連，對行動不便人士出行極不方便，有網友直擊雨下的窩心事。有女網友在社交網上載相片和影片，發文：「黃雨返工遇上柔情車長，見到咁大雨準備游水返工。」女網友指去到中轉站時巴士停了一會，之後隱約有人說話：「抬頭見到車長唔只一次幫緊坐輪椅嘅乘客落車，喺香港需要游水嘅黃雨下有耐性咁幫有需要人士。」片中所見，車長細心地推輪椅乘客下車，畫面有愛。
女網友續指因車長一句窩心說話而融化，她說：「之後落車仲揮手講88、注意安全，見到咁溫柔嘅畫面twice，覺得自己游水返工實在微不足道。」有網友留言指遇過這名「柔情車長」，並大爆好人好事，「有一晚，一個女人帶住一個BB，加一個小朋友灣仔上車，個女人太多嘢，收唔到bb車，我幫佢抬起後面兩隻轆，呢個司機勁好人，冇叫個女人收起架bb車之餘，仲叫佢慢慢 拎咗上車先，開車前仲再三同佢確認放好。」
