元朗肉檔疑渾水摸魚 港男付$100紙被當$20 事主靠一招反擊終獲退錢

去買餸最怕遇到找續爭議！近日有元朗街坊發文，稱早前在同區街市購入價值＄17元的新鮮瘦肉，並遞上一張＄100元紙幣付款，惟檔販找錢時先詢問事主有沒有＄1元，事主配合給予＄1元後，對方竟只找回兩個＄2元硬幣，並堅稱事主剛才只付了＄20元。

閱讀更多：觀塘再有豬肉檔疑呃秤 街坊帶迷你磅出征當場踢爆 檔販事敗發惡趕客

事主形容情況：「買咗嚿瘦肉17元都新鮮。但畀錢嗰陣時我當時給100元，她在找錢嗰陣時話你有沒有一元。我給了一元她當時找。（檔販找續）兩個兩元給我，她說我給了20元」。

事主立刻態度企硬，要求檔販翻查閉路電視（CCTV）作證。當時旁邊另一名男職員全程目擊卻未有發聲，雙方僵持約兩分鐘後，涉事檔販最找回剩下的80元：「我當時立即說她睇返閉路，我是給了一張一百元。啊我唔想同妳講咁多。另外出邊有個男職員也望住我沒有說話。繞樣（纏繞）兩分鐘她找返我80元」。

事件曝光後隨即引起街坊熱議，不少人認為涉事檔販「唔老實」：「呢間正有呃秤，我唔會幫襯的」、「咁做生意好快消失」、「下次你用手機影住佢」、「呢啲做生意唔老實呀」、「呢間呃秤嘅，我買半斤梅頭，當刻已經話好輕，佢話係半斤，返屋企一磅先知得215g，然後返去同佢理論，佢即刻退錢話唔做我生意」、「有cam報埋警走唔甩」、「咁恐怖，以後唔再同佢地買啦」、「我之前都俾呢間呃過，我俾$100佢話我俾$50，嗰個係後生仔嚟嘅」。