元朗外賣飯盒疑藏曱甴！外型完美偽裝豆豉 事主中伏勁崩潰 網民：以後唔敢嗌豉椒

外賣驚變「加料」？近日有網民發帖控訴，指早前幫襯元朗某茶餐廳外賣，料知飯盒中驚見異物，樓主崩潰表示「唔望真啲，差啲以為豆豉」，細看之下竟是一隻混在餸菜中的曱甴，其深黑色的外型與飯中的豆豉極度相似！

閱讀更多：屯門片皮鴨放題疑現發霉餅皮 餐廳咁樣處理惹議 網民嘲：仲以為係黑松露！

帖文隨即引發網民熱議，有人嘲諷這是「一隻 Cosplay豆豉嘅曱甴」，留言非常盞鬼：「偽裝揾掩護，識玩，不過可能樓主已經食左2隻」、「以後唔敢嗌豉椒」、「好彩我從來會挑晒啲豆豉出嚟先食」、「夠補身」、「Cosplay豆豉嘅曱甴」、「樓主擔心你可能睇唔到，已經食咗幾隻落肚，勁擔心你！」