一家六口搭港鐵亂咁嚟！背心女坐地下伸長腳阻碇 女童瞓低倒轉身體踩玻璃勁離譜

樓主留言：「有位唔坐……係要坐座位前地下……仲要全程大大聲咁吹水……知啦……今日你哋去咗迪迪尼（香港迪士尼樂園）……好叻啦……知你哋全家都開咗張銀年卡（香港迪士尼樂園「奇妙處處通」會員卡中銀卡級別）啦……好叻叻吖……但無人想知喎」第一張相片，見到一名頭戴米妮頭飾的背心女席地而坐，又將右腳伸長霸佔車廂通道，而另一名女童則瞓在座位上，倒轉身子用腳踩住玻璃，就如上演「人體奧妙展」一般！另一張相片，女童放棄瞓在座位上，直接落地與背心女一同坐地下。

不少網友睇唔過眼，留言鬧爆：「當自己屋企咁，完全唔覺得騷擾到其他乘客」、「最X憎啲家長又唔理佢哋啲細路」。