:quality(80)/public/tvbcom/article/images/202508/8c28c7df-8b1b-420e-969b-86f92b6b9994.png)
港鐵車廂踎地剪指甲係咩玩法？有網友目擊一位少年在港鐵車廂內剪指甲，樓主留言：「踎係到我都唔覺有咩問題，但可唔可以唔好係公共交通工具到剪指甲…CXS」
延伸閱讀：拖鞋男疑港鐵車廂就地小便 地板現尿痕「拉花」 女子淡定以一招避開 乘客處變不驚？港鐵有回應
片中所見，有一名穿着涼先的少年蹲在車廂內，毋懼世事變改專心剪指甲，剪完尾指指甲再看看剪成點，之後繼續剪第二隻手指，非常忘我。而最令人「佩服」的，絕對是他的驚人平衡力，完全無視港鐵高速運行，仍能穩穩蹲在地上剪指甲！
網友紛紛大嗌離譜，留言：「見過好多人喺巴士都會剪指甲 但踎喺火車車廂中間剪真係第一次見」、「又踎低又剪指甲，X行為集於一身」、「佢踎喺度嘅技能已經去到Level Max，竟然咁樣踎喺度都可以剪指甲，平衡力幾勁。」、「喺屋企唔剪得指甲同埋腳甲嘅咩？點解一定要搭地鐵或者巴士先嚟剪？係咪有啲咩特殊癖好？」
