飛常日誌II｜洪永城化身絕頂好男人！貼心照顧高海寧暖到爆 ：你去幾耐我都喺香港等你

當芷珊向陳杰解釋事情，陳杰對她說：「你知唔知道重點係咩？重點係你唔早啲同我講，畀時間我準備呀！」原來他細心替芷珊備妥生活用品，更害怕自己買不齊，令芷珊相當感動。

不單為她準備好到上海的生活用品，更已計劃好請假代為照顧其女兒瑤瑤，令芷珊也感動到眼濕濕表示「點解你咁好？」陳杰亦一臉情深地說：「你去幾耐我都喺香港等你」場面感人。

難怪一班觀眾也表示看到眼濕濕，又指陳杰簡直是絕世好男人，錫到芷珊癲，紛紛留言「呢個世上有冇咁好男人？」、「我都想另一半係咁」、「呢幕好感動」、「男人嘅榜樣」。

其實洪永城戲裏戲外同樣是好男人，他與梁諾妍於2021結婚，婚後二人育有兩女，一家幸福美滿。

洪永城絕對是圈中的好老公和好爸爸之一，知道太太熱愛跑步，不但經常陪伴她練跑，又為其而參加馬拉松。每逢特別日子，他也會細心為太太準備驚喜，並感激對方出現令其變得更好的人。

梁諾妍亦曾大讚老公是做足萬全準備的神隊友，又不時陪伴兩位女兒玩樂，與她們感情相當好。