飛常日誌II｜倪樂琳自爆首拍劇感徬徨大讚高海寧窩心舉動勁意外：我真係覺得佢好好

點讚

撰文：柔娛絲

發佈日期：2026-06-16 14:00

熱播中的《飛常日誌II》，2024年港姐冠軍倪樂琳演陳怡娟（ Jessica）為港灣航空女地勤，雖然她出現的場口不多，但不少網民指其十分襯這套空姐制服，猶如真空姐一樣。

首次拍劇的倪樂琳接受tvb.com的獨家訪問坦言拍攝初期感到十分徬徨，慶幸身邊的前輩也非常友善，「我今次最主要同洪永城同高海寧接觸得比較多，佢哋都好好人，令我都冇咁驚。」

她親爆高海寧一件暖心舉動，令其感到很意外，「我記得我仲係應屆港姐嘅時候做過一個訪問，當時主持人即場打畀一個我之前講過好欣賞嘅前輩，之後佢打咗畀高Ling，但佢嗰時做緊嘢好忙冇應到。其實呢件事都過咗年幾，有一日我哋拍嘢休息嘅時候，佢嚟為呢件事同我道歉。」

倪樂琳指原來高Ling一直將這件事記掛在心中，「佢話一直都覺得唔好意思，想同我道歉，但其實呢件事已經過咁耐，我都差啲唔記得，我冇諗過佢咁上心，仲好照顧我，所以我真係覺得佢好好。」

主頁