/public/tvbcom/article/images/202601/d94d2635-97f1-43f5-bd7e-54adb5b460a5.jpg)
《非常檢控觀》今晚（19日）在翡翠台播映，劇中演展熊飛（吳偉豪飾）甫出場即有兩場精彩打鬥戲，首次拍打戲的他表現亮眼，令人留意。劇情講到黑幫老大鄧車堡（徐榮飾）遭仇家尋仇，手下展熊飛先在酒吧外面與持刀黑衫人打架，見他拳拳到肉，出拳極狠，更半空翻踢向對方，認真厲害。
延伸閱讀：非常檢控觀獨家｜吳偉豪自爆拍動作戲見血 預告有騷肌半裸場口：瘦到有線條
非常檢控觀｜陳曉華撲跌何廣沛 「美腿擔當」賴慰玲重現執文件騷腿一幕
非常檢控觀獨家｜游嘉欣首演豪爽烈女 豁出去逆轉女追男 ：我好主動
另一場展熊飛與郭奉孝（黃祥興飾）的動作場口同樣耀眼，因展熊飛認為是對方殺害其手下楊文頂（郭浩皇飾），故找郭奉孝報復。
二人在河邊打鬥，展熊飛不但出拳或出腿，也打得精彩，更化身街霸角色使出「旋風腳」，連環KO郭奉孝 。不少觀眾指吳偉豪打得出色，紛紛留言「估唔到佢咁打得」、「打得好有型」、「唔再係朱凌凌」。
+2
今次化身劇中「動作擔當」的吳偉豪，接受tvb.com獨家訪問直認拍打戲絕不容易，更自言筋骨非常緊，故踢腿更有難度，「因為我啲筋不嬲都好緊，但今次劇裏面有好多踢腿嘅動作，加上個動作出嚟要靚嘅話，一定要拉鬆到啲筋，先會踢得夠高 ，個畫面先會好睇，所以我有一時間就會不停拉筋，希望盡量鬆啲。」又指即使過程不容易，惟相當享受出來的成果，望觀眾會喜歡。
他又大爆與黃祥興拍打戲時不慎弄傷對方，「拍嘅時候有幾拳打到佢，我見到佢有啲位係瘀咗，我非常唔好意思，但祥興係一個好專業嘅演員，佢不停話冇事，亦都冇話要休息，超級敬業，所以大家覺得呢場戲好睇，都係因為有一個好對手。」
