/public/tvbcom/article/images/202601/1d224d5f-63ed-4931-9679-0fbe7480bd79.jpeg)
TVB全新律政劇《非常檢控觀》，將於1月19日八點半翡翠台播映。新一代小花游嘉欣劇中有新突破，撇甩乖女斯文形象首演豪爽烈女，絕對為觀眾帶來新鮮感！
游嘉欣演的白逸桐今次以短髮，背心短褲Look上陣，增添爽朗兼男仔頭的感覺，與平時純情斯文形象大有不同。
延伸閱讀：非常檢控觀｜賴慰玲成「美腿擔當」俯身執File場口魅力難擋 與張馳豪「鬥氣冤家」式姊弟戀帶出喜感浪漫
:quality(80)/public/tvbcom/article/images/202601/475b8c64-aeef-4dbc-aa77-b211856d0b0a.jpg)
對於這個造型，她接受tvb.com獨家訪問直言很喜歡此Look，又指今次特意剪短頭髮，配合角色，「其實我一直都好想咁做，但未有時機，因為我個人都幾爽同男仔頭，所以我覺得短髮比較貼合番我本人性格，又啱呢個角色。」她又指雖然劇中穿熱褲背心為主，但不覺得性感，「我覺得好型格，因為我都會着皮褸同boot。」
她演的白逸桐，性格豪爽兼大情大性，游嘉欣興奮表示終能令觀眾看到其另一面，「呢個角色有江湖味同成日會罵人，觀眾都好少睇過我呢面，加上佢哋睇我以往嘅角色都係乖女，個形象已經深入民心，所以作為演員我希望佢哋今次見到我嘅變化，我唔係得個乖字。」
+1
至於她與吳偉豪繼《回歸》後再度組CP，二人演一對歡喜冤家，游嘉欣直言與對方默契有增無減，依然擦出不少火花。
她更大爆劇中女追男超主動，惟其坦言現實中沒有這個膽量，「我都係被動派，感情呢方面唔係好敢開口，我都怕被人拒絕，所以我都係偏向男仔主動啲。」
