:quality(80)/public/tvbcom/article/images/202610/563c0e4c-a66b-4b63-a353-fb24b57cd060.jpg)
熱播中的台慶劇《璀璨之城》，今晚官孝賢（張智霖飾）因孝君（吳卓羲飾）突然返澳門反擊而徹底失控發癲，殘暴掌摑兼扯Sarah （陳瀅飾）頭髮強行拖入洗手間，甚至將其頭部壓入鋅盤開大水喉沖面，極度兇狠。
延伸閱讀：璀璨之城｜蔡一智暴怒粗暴折磨蔣家旻 事前極緊張試足多次位 親爆拍完急澄清為人：驚佢哋誤會我咁惡
璀璨之城｜陳瀅為逝去陳曉華犧牲惹觀眾動容 梳化談心戲揭二人深厚情誼：只要你開心，我咩都可以為你做
:quality(80)/public/tvbcom/article/images/202610/41cc810f-d325-4d8e-8fa5-accf9799cf5e.png)
講到孝君找到爺爺的秘密資金強勢回歸，更在孝賢舉行的「夢幻之城」啟動禮上霸氣「踩場」，不但公開宣布自己就是夢幻之城的幕後大金主，更表態全力支持姚景虹 Lisa（陳煒飾）競選 LKS 董事與孝賢爭位，令孝君相當嬲怒。
鏡頭一轉，飽受刺激的孝賢直衝 Sarah家中發爛渣，他先是一巴重重掌摑 Sarah，隨後一手粗暴扯住她的頭髮，一路強行拖行至洗手間，再殘忍地將她的頭壓向鋅盤、開大水喉瘋狂沖洗其面部。孝賢大罵對方：「點解我細佬拎咁大舊錢返嚟，冇人話我知呀！」再質問Sarah：「你係咪夾埋佢嚟整我！」Sarah 一臉無辜地說：「真係唔關我事，我唔知呀！」孝賢更下達最後通牒：「你想我信你？我畀個任務你，你同我搞掂溫麗欣，搞唔掂你唔好返嚟見我！」
監製透露為確保演員安全，這場重頭戲事前試位排練了近十次。陳瀅接受tvb.com獨家訪問坦言這場戲以一Shot落拍攝，因此難度極高，「大家認為一Shot落嘅效果係最好睇， 加上又要配合燈光、 路線同傢俬，劇組都好錫我驚整親我，所以呢場戲排咗好多次。」
阿瀅大爆拍攝第一Take時的趣事，「我記得第一Shot 要NG個位，因為去到個鋅盤冇水出， 啲水一滴滴咁出嚟， 之後再拍多一次就好順利完成。」
問到過程中有否弄傷，她說：「因為個鋅盤好細，所以個頭都撼到一下 ，但都好難避免，成個過程好快，所以冇咩嘢。反而我記得Chilam扭傷咗，因為佢好用力成個人扯住我。」
阿瀅又指當拍完Chilam離開後感受甚深，「因為成年事好真，我係好驚同埋喊，覺得呢啲感受好真實。」
