璀璨之城｜陳瀅為逝去陳曉華犧牲惹觀眾動容 梳化談心戲揭二人深厚情誼：只要你開心，我咩都可以為你做

《璀璨之城》正在熱播中，陳曉華飾演的「郭芷媛」與陳瀅飾演的「霍佩樺」在劇中的感情線成為全城熱話。近日劇情揭開霍佩樺接近官孝賢（張智霖飾）的真正目的，竟是為了幫已故的郭芷媛復仇並完成其遺願，這份深厚且充滿犧牲色彩的情感令大批觀眾大感動容。

延伸閱讀：璀璨之城｜蔡一智暴怒粗暴折磨蔣家旻 事前極緊張試足多次位 親爆拍完急澄清為人：驚佢哋誤會我咁惡

在昨晚（29日）播出的一集中，二人在梳化前談心的回憶戲份，讓這份深埋的情感正式浮出水面。

劇中霍佩樺極度關心郭芷媛與官孝賢的關係，直言問道：「你覺得你哋兩個真係有將來咩？」郭芷媛笑著表示：「我知道你覺得我傻，但我唔係癡心妄想。我相信，如果有樣嘢你真係好想好想要，個天一定會回應你。所以我會繼續抱著呢個希望，如果我呢一刻放棄嘅話，就唔成事。」霍佩樺隨即貼心叮囑：「不如下次佢上嚟，你偷偷地錄低佢講嘅嘢，保障自己。Why not？佢對你唔住，或者傷害你，有啲嘢揸手好。」字裡行間都充滿對對方深厚的情誼。

此外，早前集數中頻繁出現的神秘雞尾酒，原來亦是二人的專屬信物，難怪霍佩樺目睹洪海允（高海寧飾）調製該杯雞尾酒時會大受觸動，背後原來深藏對故人的思念。