/public/tvbcom/article/images/202512/3bdc1b50-213d-44ae-87d1-50b1615a2f6a.jpg)
《新聞女王2》現正熱播中，近日劇情講到殿堂級記者阮雪君（夏文汐飾）回港，強勢登場氣場全開即引起觀眾關注！
今晚（4日）一集阮雪君與文慧心（佘詩曼飾）鬥戲針鋒相對的場口極為精彩，簡直是高手過招。
講到阮雪君榮獲「威爾斯火炬獎」，在祝捷晚宴上，阮雪君當眾猛烈抨擊網媒不負責任，文慧心即還擊「歷史見證咗冇任何力量可以摧殘一代人，除咗上一代」阮雪君再說：「歷史嘅教訓係每次新媒體嘅亂局，都係靠傳統媒體收拾呢個殘局，只有上一代守住個標準，下一代先係平平安安」、「我唔認為個個都識得控制，網媒攞把火把亂舞，我就要用專業去規管佢哋」二人唇槍舌劍各不相讓場口火花四濺，非常精彩。
延伸閱讀：新聞女王2｜夏文汐強勢登場氣場全開力壓Man姐 被封香港首代霸氣烈女
夏文汐起底｜80年代豪放女＋古祖男神收割機 《逆緣》與黎諾懿「忘年吻」引熱話
新聞女王2｜王敏奕1分鐘爆Seed喪鬧Man姐 佘詩曼激罕失威口啞啞
另一場二人鬥戲同樣成焦點，阮雪君向方太（龔慈恩飾）提出若要重返SNK的條件要文慧心當電視部新聞總監，因而傳出文慧心回巢SNK的報道，令文慧心相當生氣，與阮雪君理論。
阮雪君對文慧心說：「我教你做新聞要做到極致，我係為你好，SNK最啱你，鬥咩氣啫，打爛晒一手好牌。」、「訪問總統，採訪戰爭，國際大事先係新聞呀！」、「係你話鍾意SNK，我有咩錯呀！」
:quality(80)/public/tvbcom/article/images/202512/5bc8ab99-a27a-458c-ba8e-4198f41e792b.png)
文慧心激動地說：「我嘅人生可唔可以畀番我決定，我已經唔係你當年帶去美國嗰個𡃁妹，唔係你講咩我都要做㗎！」、「首先新聞冇分大細，有新聞嘅地方就係戰場」、「錯在遲咗10年呀！」
佘詩曼與夏文汐針鋒相對的場口，句句到肉，張力十足，一班觀眾也拍爛手掌，指她們同場過招擦出火花，相當好睇，留言「太后對女王」、「兩代霸氣女王過招好精彩」、「睇到我都好緊張」。
夏文汐曾接受傳媒訪問指今次飾演阮雪君這個角色，是由於導演欣賞她的氣場夠強大，可以在劇中壓制佘詩曼氣勢，她笑言為了演好這個角色，刻意把氣場培養得更強。
雖然二人在戲裏火星撞地球，戲外她們惺惺相惜，夏文汐曾接受傳媒訪問指欣賞阿佘的敬業，又封其為「機械Man」，「喺啲咁熱嘅外景場口，我個妝都溶晒，但佢都唔溶，好淡定，好犀利，我好佩服佢！」
阿佘則指小時候已看夏文汐演出，覺對方相當有型有性格，想不到能夠與對方合作，直言夏文汐很適合演此角，大家合作得很愉快。
