新聞女王2｜王敏奕1分鐘爆Seed喪鬧Man姐 佘詩曼激罕失威口啞啞

劇情講到早前康勁寶保健品事件一事有新進展，余英飛（鄧智堅飾）原來留有舊批次的問題藥物，文慧心Man姐獨自去化驗所報告時遇襲，被一班男子包圍，幸獲劉艷和余英飛及公開平台等人到場嚇走他們，最終文慧心Man姐平安無事。

其後劉艷竟爆Seed喪鬧Man姐，「文慧心咪講咗要注意安全，你當我耳邊風呀？上次晶耀已經係咁，今次又係咁，自己一個嚟拎報告。」

劉艷愈講愈激動，既生氣又緊張更落淚表示「又係你教我點做新聞都好，唔好攞自己條命較飛，要注意安全，你自己偏偏唔聽」、「我依家以公開平台創辦人身份話你，你再係咁，我趕走你」、「公開平台唔可以冇咗你，你可唔可以小心啲」。

平時霸氣強勢的Man姐被劉艷喪鬧嚇到口啞啞，「大個女喇！教番我轉頭」Man姐見劉艷如此緊張自己，即抱抱安慰對方，畫面有愛。

這幕王敏奕1分鐘大罵Man姐的場口，獲不少觀眾留意，指敏奕做得好好，留言「見到阿佘真係驚」、「劉艷好緊張Man姐」、「未見過劉艷咁惡」。

其實佘詩曼與王敏奕戲裏戲外感情要好，二人老友鬼鬼，阿佘曾公開點名力讚對方很快投入角色，演出感動到她，與其很有化學作用，非常喜歡對方。而且，阿佘早前更力撐王敏奕有份演出的電影，並大晒頭貼頭合照大讚對方演得出色，並預祝對方提名最佳女主角，能夠得到演技精湛的阿佘稱讚，絕對是一個很重要的肯定。