新聞女王2｜華語三金袁富華壓軸出場搶FO 惡鬥視后視帝佘詩曼黃宗澤火花十足

其中一幕是Kingston古肇華（黃宗澤飾）得知Richard 與3U園有關，資金來源有問題後，對Richard說要「跳船」，Richard由笑笑口隨即「變臉」說：「我以為我哋嘅合作係建基於感情上面，原來係一盤生意，不過生意有生意嘅好，所有嘢白紙黑字簽約，所有約都係你簽，記得？關我咩事」、「你又唔使咁驚，我哋坐埋同一條船，我一定攬你」、「你唔想好似佢咁，就跟住嚟」展現其老奸巨猾和陰險一面，令平時牙尖嘴利的Kingston都冇聲出。

另一幕便是他與Kingston齊齊到文慧心Man姐（佘詩曼飾）的直播，一同接受Man姐的訪問，Richard給Man姐看Ivan潘志傲（何廣沛飾）在3U園被打的片段，Richard一個眼神加上嘴角微微向上翹，令Man姐不知所措，既憤怒又擔心，這逾1分鐘的場口，沒有任何對白，二人單靠眼神和微表情對戲，戲味十足，已經感受到火花四濺，場面精彩。

當Richard被Man姐揭穿涉嫌虛報個人履歷以及黑歷史後，他眼神兇狠，令人看得心寒。